Hemsedal Flatbrødbakeri
place Se i kartHemsedal Flatbrødbakeri om Hemsedal Flatbrødbakeri:
Alt me lagar er steikt på jerntakke. Dette er ein av dei eldste måtane å lage mat på. Me brukar ingen ”lettvintløysingar” i produksjonen vår. Alle deigar og rører blir laga frå botnen av, frå fyrsteklasses råvarer. Me tilset heller ikkje konserveringsmiddel. Sjølve bakinga er handverk . Det trur me at du kjenner på smaken når du tek deg ein bit!
Bakeriet ligg litt opp for Hemsedal sentrum, på Kyrkjebøen. Vi held hus i heilt nye, lyse og trivelige lokal. Nærmaste grannen vår er dei eldgamle murane av Stavkyrkja i Hemsedal. Det er no baking fire til fem dagar i veka. Me er seks tilsette, og alle har me røtene våre solid planta i tradisjonane.